SABDATAMA TEMANTEN

Guys, buat yang ada di jogja dan sekitarnya, aku mau share tentang sabdatama. What is it? sabdatama atau yang biasa juga disebut ular-ular adalah petuah atau nasehat yang diberikan kepada pengantin baru sebagai bekal dalam memasuki kehidupan berumah tangga. Mau tahu seperti apa? nih, aku kasih contoh (maaf kalau nggak bagus-bagus amat)

Matur nuwun dhumateng kadang pranatacara.

Sugeng siyang para pepundhen,  pinisepuh, sesepuh miwah sagung tamu ingkang minulya.

Saleresipun kados kirang jumbuh menawi kula nampi jejibahan supados paring waasitatama dhumatengpengantin kekalih, awit kula menika kalebet ewoning tiyang ingkang cupet ing ngelmi tuwin cubluk ing seserepan. Ananging rehning ngengeti pamothahipun penganten sekaliyan, mrica kecut sauna-uninipun kula sembadani.

Salajengipun, para pepundhen, pinisepuh, sesepuh sarta para lenggah mugi ngeparenganken kula paring wasita adi dhateng penganten kekalih. Mbok bilih anggen kula ngayati dhawuh samangke mboten ndadosaken keranan dalah kaparingan panggalih, kula nyuwun pangaksami inking agung. Mekaten ugi katur para tamu sadaya, anggen kula sumela atur ing kalodhangan samanngke punika.

Langkung rumiyin kula ngaturakenpuji sokur dhumateng ngarsaning Gustiingkang tansah pinaringan kanugrahan satemah kula lan panjenengan sadaya saged makempal wonten ing papan punika kanthi manggih kawilujengan saha kasarasan tebih nir sambekala.

Para lenggah ingkang wicaksana ing budi.

Keparenga kula minangkani pamundhutipun Bapak saha ibu Daliman saperlu suka ular-ular sawatawis tumuju dhumateng anak kula penganten sarimbit, mugi sageda minangka tambahing sangu anggenipun sami gesang bebrayan.

Penganten kekalih ingka bagya mulya,

Tumapaking dinten sasampunipun panjenengan nindakaken akad nikah ingkang ateges panjenengan sampun lumebet wonten alam madya, kanthi ngemban pinten-pinten wajibing gesang bebrayan ingkang kedah dipun ayahi.

Anak kula temanten sekaliyan,

Gesang bebrayan punika punapa kenging dipun  gambaraken kados dene tiyang nitih baita wonten tengahing samodra. Kamangka sampun kawuningan bilih kawontenaning samodra punika mboten ajeg, tansah owah gingsir, kanthi wekdal ingkang mboten saged katemtokaken.

Sri penganten sutresna,

Kabekta dening kemajenganipun jaman, langkung-langkung kenging daya pangaribawanipun kemajenganing teknologi sarta pangawikan, ndadosaken hak sarta kawajibanippun priya tuwin wanita punika mingsad-mingsed, mulur-mungkret , ewah-gingsir. Ananging sinaosa beda papan, kalenggahan sarta kawontenan, ewadene lajer ancer saha esthi tundhoning ngagesang punika sami, jer mboten badhe singular kaliyan damel wilujenging pribadhi, brayat, bebrayan, sesame, saha lestarining alam sawegung.

Wusana kula ambal malih, nyuwun rumentahing pangapunten, tumrap sadaya kekirangan kula sarta mugi mboten ndadosaken kirangan pamengku panjenengan.

Nuwun.